Intervistë me Zajmina Vajsarin

[center][b][i]Intervistë me Zajmina Vajsarin[/i][/b]
[/center]



[img(534px,800px)]http://www.albumishqiptar.com/d/3202-12/Zajmina+3.jpg[/img]


Ashtu siç ju kishim premtuar, ja tek mbërrijnë dhe fotot ekskluzive
të Zajminës në klipin e saj më të fundit “Një më pak e një më shumë”.
Kënga ende nuk është shfaqur në kanalin muzikor televiziv ndërkohë që
fansat janë në pritje të shohin performancat e rradhës të këngëtares si
dhe materialin muzikor të saj.
Në këtë intervistë Zajmina flet për
angazhimet e saj më të fundit, projektin surprizë që pritet të sjellë
në jetë për pak ditë si dhe për jetën e saj private.

[b]Zajmina më në fund me një klip të ri. Sa kohë ke punuar për të dhe cilët janë bashkëpunëtorët?[/b]

Në fakt kënga e klipit ishte një projekt që nisi që në Korrik, por duke
qenë se edhe unë edhe Flori Mumajesi, autori i këngës, ishim shumë të
angazhuar me punë dhe koncerte, kënga u përfundua javën e fundit të
Gushtit. Bashkëpuntorët kanë qenë të shumtë sepse nuk doja që të ishte
një klip si të tjerët por që të mbetet gjatë në mendjen e publikut. Së
pari do të përmendja shtëpinë time diskografike dhe televizionin
gjithashtu, SUPERSONIC të cilët më kanë mbështetur së tepërmi dy vitet
e fundit. Më pas stafin maqedonas të regjisorit Alexander. Një rol të
rëndësishëm në këtë klip kanë luajtur parukierja ime Elona Balaj, e
cila ndryshoi edhe look-un tim krejtësisht, si dhe koreografi Tan Brama
që u kujdes për kërcimet e mia në klip. Do të doja të përmendja edhe
mobilerinë ‘Albantic’ në Durrës, si dhe hotel ‘Continental’ në Vorë që
më ofruan ambientet e tyre për realizimin e klipit. Shpresoj mos të kem
harruar ndonjë… ah po, Felixin fotografin më të talentuar që ka
realizuar fotot gjatë xhirimeve.

[b]Në këngë flitet për tradhëti, dhe ti ndihesh vërtet e tradhëtuar. Cila është më në detaje fabula e saj?[/b]

Po është e vërtetë. Në këngë i dashuri im më ka lodhur shumë me
gënjeshtrat dhe tradhëtitë e tij derisa unë vendos të mos e fal më. I
them që të mos mendoj se unë nuk e harroj dot apo se unë do të vuaj për
të sepse për mua ai është thjesht një numër “Një më pak e një më
shumë”, prandaj ky është edhe titulli i këngës.

[b]Keni hasur në ndonjë vështirësi gjatë xhirimeve?[/b]

Në krahasim me klipin tim të fundit, ky klip nuk më lodhi dhe aq shumë,
ndoshta edhe se çdo gjë ishte kuruar në detaj. Pa dyshim që vështirësi
ka pasur dhe do të veçoja skenën e pishinës, sepse uji brenda saj ishte
akull dhe fatkeqsisht ditën e xhirimeve në Tiranë u bë shumë ftohtë, ra
dhe shi. Gjithashtu edhe skena e makinave u shty gjithë ditën prej
shiut derisa mundëm të xhironim në orët e vona të natës kur ai pushoi.
Megjithatë të gjitha këto ia vlejtën duke parë rezultatin.
Jeni shprehur që look-un e keni ndërruar enkas për klipin e ri. Si ju lindi idea?
Kisha kohë që doja t‘i largohesha bjondes por ende nuk po gjeja rehat
në një ngjyrë apo model tjetër. Mendoj që ky ndryshim i duhej edhe
këtij klipi.

[b]Cila do të jetë dëshira e rradhës për ndryshim?[/b]

Ngjyra e zezë është ajo që më pëlqen për momentin dhe besoj se do t’i
mbaj për një kohë të gjatë kështu, ndërsa për modelin nuk premtoj dot
asgjë sepse e di që do ta ndryshoj prapë pa diskutim, ndoshta jo shumë
shpejt.[url=http://www.albumishqiptar.com/tag/vajza+shqiptare?g2_itemId=3201&g2_imageViewsIndex=1]


[/url]
[url=http://www.pamjeshqiptare.com/images/wallpapers/93945523/Celebritete/Zajmina%20Vasjari/Zajmina%2010.jpg][img(500px,375px)]http://pamjeshqiptare.com/images/wallpapers/93945523/Celebritete/Zajmina%20Vasjari/Zajmina%2010.jpg[/img][/url]
[b]Duke lënë mënjanë klipin. Po vetë Zajmina është ndjerë ndonjëherë e tradhëtuar?[/b]

Ashtu si pjesa më e madhe e femrave edhe unë jam ndier e tradhëtuar.
Janë periudha shumë të vështira në jetën e çdokujt, sidomos për ne
vajzat që i përjetojmë më shumë historitë e dashurisë, megjithatë çdo
gjë kalohet sepse koha shëron gjithçka.
Flasim pak për ty dhe kohën tënde të lirë jashtë angazhimeve të profesionit. Si e kalon atë?
Të them të drejtën kohë të lirë këtë periudhë nuk kam pasur fare dhe
jam mjaftuar me një kafe të shpejtë pranë shtëpisë ose jam munduar t’i
kem me vete mikeshat e mija nëpër aktivitete sepse nuk kam më kohë të
rri me to.

[b]Vazhdon ta frekuentosh jetën e natës?[/b]

Aspak. Sinqerisht që më ka marrë shumë malli për të dalat me shoqërinë,
dhe të kërcyerit deri orët e para të mëngjesit por fatkeqsisht nuk kam
mundur të bëj më asgjë nga këto. Do të sakrifikoj edhe pak këtë muaj
dhe më pas mendoj që do të kem më shumë kohë të lirë.

[b]Cila është gjëndja shpirtërore e Zajminës për momentin. Singël apo e dashuruar?[/b]

Ju e dini që nuk do ju them gjë, pse pyesni? Kam kohë që kam vendosur
të mos e ndaj më me mediat jetën time private. Ajo është vetëm e imja.
Cili është thashethemi më i fundit që kë degjuar për veten dhe si ke reaguar për të?
Kohët e fundit lexova një shkrim për fustanet e mia që ngjasonin apo
unë i kisha imituar nga një kolege e imja. Në përgjithësi nuk e vras
mendjen sepse për mua kanë thënë gjëra shumë më të tmerrshme se kaq por
çeshtjen e veshjes e kam pikë të dobët sepse unë po studioj për
‘fashion design’ dhe gjithmonë veshjet e mia unë i kam stiluar vetë dhe
pjesa më e madhe e kolegeve të mia kanë realizuar të njëjtat modele
madje ia kam qepur edhe unë, dhe kurrë nuk jam ankuar se më imiton
njeri. S’më intereson dhe secili ka imazhin e tij në skene, prandaj më
lëndon fakti që shkruhen gjëra të tilla dhe i jepet një informacion
totalisht i gabuar lexuesve.

[b]Si reagojnë familjarët ndaj anëve pozitive dhe negative që ka profesioni yt?[/b]

Familja ime është ajo që më ka mbështetur plotësisht që në hapat e para
dhe vazhdon ta bëjë një gjë të tillë. Tashmë nuk ia vlen më të
përmenden anët pozitive apo negative sepse ata janë mësuar më gjithçka
që sjell profesioni im. Unë i falenderoj nga zemra sidomos motrën time,
Beliolën sepse falë kujdesit të saj është realizuar çdo projekt i imi.

[b]Projekte të tjera të tuat?[/b]

Projekti më i afërt dhe që më bën më shumë entuziaste është hapja e
Ateliese time në rrugën “Myslym Shyri” që do të bëhet në javët në
vazhdim. Do të ketë fustane nusesh si dhe do të jetë një Atelie ku
vajzat mund të vijnë të realizojnë veshjet e tyre për raste të
ndryshme. Çdo gjë është pothuajse gati për ditën e inagurimit. Padyshim
që do t`ju ftoj edhe juve!!!


[b]Jepni komentin tuaj![/b]