Koreja e Veriut hiqet nga lista e shteteve që mbështesin terrorizmin

[b]Koreja e Veriut hiqet nga lista e shteteve që mbështesin terrorizmin [/b]

[img]http://telegrafi.com/fo/bote/f.1011150219807_m.jpg[/img]
[b]Shtetet e Bashkuara e hoqën Korenë e Veriut nga lista e shteteve që mbështesin terrorizmin, në këmbim të një plani verifikimi që i lejon Shtetet e
Bashkuara dhe vende të tjera pjesëmarrëse në bisedimet bërthamore të
vëzhgojnë procesin e çarmatimit të vendit komunist.[/b]
Departamenti amerikan i Shtetit i bëri të njohura hollësitë e marrëveshjes të
shtunën, pas një dite diskutimesh intensive mes ShBA-së dhe 5 vendeve
të tjera të angazhuara në bisedime.

Zëdhënësi Sean McCormack tha se Pheniani përmbushi të gjitha kërkesat e
parashtruara nga Shtetet e Bashkuara lidhur me procesin e verifikimit
të çarmatimit bërthamor të Koresë së Veriut. Sipas marrëveshjes së re,
Koreja e Veriut do të lejojë vëzhgimin e pasurimit të plutonimumit dhe
uraniumit dhe çdo aktivitet që ka të bëjë me përhapjen e armëve
bërthamore.

Ekspertët e 6 vendeve të përfshirë në bisedimet për marrëveshjen dhe
Agjencia Ndërkombëtare Bërthamore do të lejohen të marrin pjesë në
aktivitetin e verifikimit.